Совет эш планын раҫланы

Шишмә районының һуғыш һәм хеҙмәт, ҡораллы көстәр ветерандары советы ағзалары яңы йылдың беренсе айында уҡ кәңәшмәгә йыйылды.

Райондың тарих - тыуған яҡты өйрәнеү музейына килгән ветерандар башта хәрби осорҙо һүрәтләндергән экспозициялар менән танышып сыҡты. Уҙған йылдағы башҡарылған эштәргә йомғаҡ яһағандан һуң, улар быйылғы Хәтер һәм Дан йылына эш планын раҫланы. Ветерандар әйтеүенсә, Еңеүҙең 75 йыллығын билдәләгән йылда һәр яҡташыбыҙҙың исеме иҫкә алынасаҡ, уларҙың ҡаһарманлығына, батырлығына арналған күп саралар ойоштороласаҡ.

Мәғлүмәт Шишмә районының тарих - тыуған яҡты өйрәнеү музейы сайтынан алынды.