Ҡыҙылъяр ауылының балалар һәм үҫмерҙәр спорт мәктәбе залында Нуриман һәм Иглин райондары хакимиәттәре араһында волейбол буйынса осрашыу үтте. Тәүҙә 25:10 иҫәбе менән Иглин спортсылары еңеүгә өлгәште. Икенсе осор 25:23 иҫәбе менән хужалар файҙаһына тамамланды. Өсөнсө уйын бик көсөргәнешле уҙҙы, еңеү яулау өсөн волейболсыларға байтаҡ көс түгергә тура килде. Һөҙөмтәлә 28:26 иҫәбе менән Нуриман хакимәте хеҙмәткәрҙәре алға сыҡты һәм осрашыуҙың еңеүсеһе исеменә лайыҡ булды.Һәүәҫкәр спортсылар ыңғай тәьҫораттар, көс - дәрт алып, бер –береһенә уңыштар теләп таралышты.