“Минең Брест”

БСТ телеканалында Нуриман районының почетлы гражданины, РСФСР мәктәптәренең атҡаҙанған уҡытыусыһы, легендар шәхес Ришат Сәлих улы Исмәғилевкә арналған “Минең Брест ” исемле документаль фильм күрһәтелде.

​Ришат Сәлих улы Брест крепосы өсөн барған алыштарҙа ҡатнашҡан, әлеге ваҡытта иҫән - һау ғүмер кисергән өс һалдаттың береһе.

​99 йәшкә еткән яугир бөгөн дә зирәк аҡылы, йор һүҙе, иҫ киткес хәтере менән һоҡландыра.

​Фильм “Газпром трансгаз Уфа” яуаплылығы сикләнгән йәмғиәт ҡатнашлығында төшөрөлгән. Ришат Сәлих улының йәш һалдат сағын профсоюз ойошмаһы белгесе Антон Антонов, ә шәфҡәт туташы ролен инженер - техник үҙәге белгесе Марина Романенкова уйнай.

​Еңеүҙең 75 йыллығына һәм Ришат Сәлих улының яҡынлашып килгән тыуған көнөнә күркәм бүләк ул “Минең Брест” фильмы.