Кескәйҙәрҙе хәстәрләп

Байгилде биләмәһенә ҡараған ауылдар урындағы башланғыстарҙы хуплау программаһында дүртенсе тапҡыр ҡатнаша.

​Был программа сиктәрендә 2016 йылда Иҫтерек ауылы клубына капиталь ремонт үткәрелгән. 2017 йылда Байгилде ауылының “Ҡояшҡай” мәктәпкәсә тәрбиә биреү бинаһының фасады төҙөкләндерелгән. Үткән йыл шул уҡ балалар бинаһын йылытыу буйынса эштәр башҡарылған. Үкәрле ауылы халҡының теләге буйынса быйыл урындағы башланғыс мәктәп өсөн балалар майҙансығы һатып алырға һәм урынлаштырырға ҡарар ителде.

​Ауыл халҡының өмөтө аҡланыр һәм балаларҙың теләге тормошҡа ашыр, тигән ышаныста ҡалабыҙ.