Таутөмәндәр - пьедесталдың юғары баҫҡысында

Таутөмән “Таин” спорт клубы тәрбиәләнеүселәре дзюдо буйынса Өфө ҡалаһының Калинин районы беренселегендә уңышлы сығыш яһаны.

Ярыштар 22-се Өфө спорт мәктәбендә уҙҙы. Йәш спортсылар Радмир Хөснөтдинов, Ярослав Егоров, Лия Фәхретдинова, Светлана Васильева, Элеонора Хәсәнова, Айбулат Мөрсәлимов, Елена Пономарева, Артем Шалупов, Радмир Мөрсәлимов, Арсений Ефремов, Виктория Кожевникова, Богдан Размахнин үҙ йәш һәм ауырлыҡ категорияларында алтын миҙалға лайыҡ булдылар. Эвелина Кузнецова, Аделина Риянова, Дмитрий Тимонин -икенсе, Ильдус Яппавов өсөнсө урын алды.

Йәш спортсылар ҡул һуғышы буйынса спорт мастеры, самбо һәм дзюдо буйынса спорт мастерына кандидат, ҡул һуғышы буйынса донъя кубогы призеры, күп тапҡыр Рәсәй чемпионы Инна Айбушевала шөғөлләнә.