Иң отҡорҙар билдәләнде

Шишмә ҡасабаһының балалар - үҫмерҙәр спорт мәктәбендә райондың дөйөм белем биреү мәктәп уҡыусылары араһында "Хеҙмәткә һәм оборонаға әҙер" Бөтә Рәсәй физкультура - спорт комплексының фестивале үтте.

Унда ҡатнашҡан 3 ҡасаба һәм 15 ауыл мәктәптәренән килгән 12 команда ағзалары 7 дисциплинаны үтәне. Шишмә ҡасабаһындағы 1-се, 2-се,4-се, Дурас, Иҫке Муса, Келәш мәктәптәренең спорт һөйгән уҡыусылары башҡаларҙан етеҙ, хәрәкәтсән, отҡор булыуы менән айырылып торҙо һәм яҡшы һөҙөмтәләр күрһәтте.

Мәғлүмәт Шишмә балалар - үҫмерҙәр спорт мәктәбе төркөмөнән алынды.