Өҫтәл теннисына ғашиҡтар йыйылды

Благовещен арматура заводы акционер йәмғиәте етәкселеге менән уның хеҙмәткәрҙәре сәләмәт йәшәү рәүеше алып бара.

Заводта спорт һөйөүселәр өсөн төрлө ярыштар ойошторола. Бына әле яңыраҡ ҡына өҫтәл теннисы менән шөғөлләнгән хеҙмәткәрҙәр ярышҡа йыйылды. Был олимпия спорт төрөнә, ракетка һәм уртанан селтәр менән бүленгән уйын өҫтәле файҙаланылған туплы спорт уйынына ғашиҡтарҙың осрашыуы көсөргәнешле һәм ҡыҙыу барҙы. Призлы урындарҙы ҡорос ҡойоу, 5-се цехтары, завод идаралығы үҙ - ара бүлеште.

Йәнле үткән ярышта дуҫлыҡ еңде, команда ағзаларының барыһын да берләштерҙе.