Сифаты яҡшы, исеме данлы

Элек - электән Шишмә ере үҙенең данлы шәхестәре, сифатлы аҙыҡ - түлектәре, хуш еҫле көнбағыш майы, шәкәр ҡомо менән киң билдәле.

Күптән түгел Шишмә май экстракциялау заводы Башҡортостан Республикаһының Ауыл хужалығы министрлығы тарафынан рәхмәт хаты менән тәбрикләнде. "Агрокомплекс" юбилей күргәҙмәһендә ҡатнашҡан завод етәкселеге "Халыҡ - ара кооперация һәм экспорт" дәүләт проектын үҫтереүҙә индергән өлөшө һәм Башҡортостан Республикаһының тышҡы эшмәкәрлегендә әүҙем ҡатнашҡаны өсөн билдәләп үтелде.

Һатып алыусылар араһында ҙур һорау менән ҡулланылған продукцияның сифаты ла яҡшы, исеме лә данлы.

Мәғлүмәт "Шишмә" район гәзите төркөмөнән алынды.