Флешмобҡа ҡушылған ғаилә

Үҙизоляция осоронда шиғри күңелле благовещендар Үҙәкләштерелгән дөйөм китапханалар системаһы ойошторған "Еңеү тураһында китаптар уҡыйбыҙ" тигән флешмобҡа теләп ҡушылды.

Халыҡтың, айырыуса йәштәрҙең иғтибарын китапҡа йәлеп итеү, шулай уҡ әҙәбиәт аша Ватанды һаҡлаусыларҙың ныҡлығын һәм батырлығын күрһәтеү маҡсатында ойошторолған был сара күптәрҙе берләштерҙе. Флешмобҡа әүҙем ҡушылған яҡташыбыҙ Римма Романова үҙе лә шағирә булараҡ, Бөйөк Еңеүгә, ауыр һуғыш йылдарына, тыл хеҙмәтсәндәренең ҡаһарманлығына, батырлығына арнап байтаҡ әҫәрҙәр ижад иткән. Ире Виктор Базиков менән дә улар ошо темаға яҙыусылар ижад иткән үлемһеҙ әҫәрҙәрҙе ҡат - ҡат уҡый. Ҡыҙы менән һуғышта ҡатнашҡан ҡарт олаталары хаҡында әңгәмә лә ҡора Романов - Базиковтар ғаиләһе.

Улар һәр йыл һайын Бөйөк Еңеүгә арнап үткәрелгән митингыла ҡатнаша, "Үлемһеҙ полк" та ла атлап уҙа.