Медицина хеҙмәткәрҙәренә - өҫтәмә түләүҙәр

Яңы коронавирусҡа ҡаршы көрәштә алғы һыҙыҡта эшләгән Рәсәй табиптары өс ай дауамында федераль түләүҙәр алырға тейеш. Был хаҡта төбәк башлыҡтары менән телеконференция режимында уҙғарылған кәңәшмә ваҡытында Рәсәй Президенты Владимир Путин хәбәр итте.

«Коронавирус инфекцияһы раҫланған пациенттар менән туранан-тура эшләгән табиптар өсөн ошондай түләү – айына 80 мең һум. Урта медицина персоналына – фельдшерҙарға, шәфҡәт туташтарына – 50 мең һум. Кесе медицина персоналына — 25 мең һум. Коронавирус йоҡторғандар менән эшләгән ашығыс ярҙам табиптарына килгәндә, уларға айына 50 мең һум түләнә. Фельдшерҙар, шәфҡәт туташтары һәм водителдәр – 25 мең һум», — тине дәүләт башлығы.Владимир Путин шулай уҡ бизнесҡа, балалы ғаиләләргә, ваҡытлыса эшһеҙ тороп ҡалған граждандарға яңы ярҙам төрҙәре ҡаралыуын да билдәләп үтте.

Автор: Гөлнара Асҡарова