Тимур башҡорт телен дәүләт теле булараҡ өйрәнә

Благовещен районы Туғай мәктәбенең 9-сы класс уҡыусыһы Тимур Ишкинин башҡа уҡыусылар менән бер рәттән бөгөн Башҡорт теленән онлайн халыҡ - ара диктантта ҡатнашты.

Башҡорт теле уҡытыусыһы Фирүзә Миңлебай ҡыҙы Хәйруллинаның дәрестәрендә әүҙем булған Тимур башҡорт телен дәүләт теле булараҡ өйрәнә. Тырыш егеткә диктанттың тексты ла, уны яҙыуы ла ауыр булманы.