Пейзаждарҙан сағыла матурлыҡ

Благовещен районының Ильина Поляна ауылында йәшәгән Татьяна Леванованың майлы буяуҙар менән яһалған һүрәттәре тормошоноң айырылғыһыҙ бер өлөшөнә әйләнгән.

Уның асыҡ буяуҙар аша һүрәтләнгән пейзаждарында тыуған яҡ тәбиғәте, сәскәләр донъяһы ныҡлы урын алған. Татьяна Аркадьевна улар аша күңел донъяһын, хис - тойғоларын, уй - ниәттәрен сағылдыра алған. Был матур һүрәттәрҙән сафлыҡ, изгелек, ябайлыҡ, эскерһеҙлек бөркөлә.