Күпер ауылды тоташтырҙы

Күптән түгел Юрмаш йылғаһы аша һалынған күпер ремонтланды. Ул Шеланы ауылының ике өлөшөн берләштереп тора. Күпергә килә торған юлға ҡом-таш ҡатнашмаһы һәм ваҡ таш түшәлде.

Изге эшкә ауыл халҡы әүҙем ҡушылды – трактор сәсмә материалды ситкә таратмаһын өсөн ир-аттар ҡатнашмаларҙы үҙҙәре йәйҙе. Мәсәғүтов крәҫтиән-фермер хужалығы транспорт менән ярҙам итте. Хәҙер ауылдың бер өлөшөнән икенсеһенә ҡаршылыҡһыҙ үтеп була.