Өлкән курс студенттары мәктәптәрҙә уҡыта ала

Хәҙер өлкән курс студенттары диплом алғансы уҡ белем усаҡтарында уҡыта ала. Тейешле ҡанунға Рәсәй Президенты Владимир Путин ҡул ҡуйҙы.

Сессияһын уңышлы тапшырған педагогия уҡыу йорттарының IV һәм V курс студенттары белем усаҡтарында дәрестәр алып барыу мөмкинлегенә эйә. Техник йүнәлеш буйынса өсөнсө курста белем алыусыларға түңәрәктәр һәм секциялар эшен алып барырға ярай. Белем усаҡтарында студенттарға уҡытырға рөхсәт итеүҙе өс йүнәлешле ведомство – Мәғариф, Фән һәм юғары белем биреү һәм Хеҙмәт һәм социаль яҡлау министрлыҡтары ентекле хәл итәсәк.