Ивано-Казанкала модулле ФАП төҙөлдө

Типовой бина «Һаулыҡ һаҡлау» милли проекты сиктәрендә һатып алынған. 70 квадрат метр майҙанлы бинала хеҙмәткәрҙәр һәм пациенттар өсөн уңайлы шарттар тыуҙырыла. Бында ҡабул итеү, процедуралар, персонал өсөн бүлмәләр, аптека буласаҡ. Пункт тейешле мебель һәм ҡорамалдар менән йыһазландырыласаҡ. Яңы ФАП 648 кешене хеҙмәтләндерәсәк, шулар араһында 95 бала. Иҫке ФАП бинаһы медицина хеҙмәткәренә йәшәү урыны итеп үҙгәртеп ҡороласаҡ.