Ҡунаҡтарҙан изге теләктәр

"Мөхәббәт һәм тоғролоҡ" миҙалы менән Шишмә районының Бикәй ауылынан Хәйҙәровтар ғаиләһе бүләкләнде.

Бөйөк Ватан һуғышы ветераны Солтан Хаматғәле улы менән Гүзәл Әхиәритдин ҡыҙы 1950 йылдан бирле ҡулға - ҡул тотоп, бергә ғүмер кисереп йәшәй. Уларҙың тормош биографияһын данлы хеҙмәт юлы, ғәзиз өс балаһы, тәрбиәле ейәндәре һәм хәләл көсө менән булдырған донъяһы биҙәй. Бүләкләү сараһына йыйылған ҡунаҡтар уларға артабан да матур тормош, ныҡлы һаулыҡ теләне.

Мәғлүмәт Шишмә район хакимиәте төркөмөнән алынды.