Ретро машиналар парады

Благовещен ҡалаһы урамдарынан ретро автомобилдәр һәм мотоциклдар парады үтте. Өфө ҡалаһының М.Горький урамындағы 51-се йортта урынлашҡан ретро - гараж уникаль проектына ингән был шәхси музей, төрлө илдәр һәм ваҡыттағы техниканы үҙенең эсенә туплаған. ГАЗ класлы "Волга", "Запорожец" автомобилдәре янынан халыҡ өҙөлмәне. Улар иҫтәлеккә фотоға төштө, эсенә кереп, ултырып та ҡараны. Инде тарихта ғына ҡалған машиналарҙы ентекле өйрәнеп, ҡараған автомобиль яратыусыларға, был көн ысынын да ҙур бүләк булды.