Нефтекамала ла ҙур мәктәп төҙөйҙәр

"Мәғариф" милли проекты буйынса Нефтекамала ла заманса мәктәп төҙөй башлағандар. Уны киләһе йылдың аҙағында асмаҡсылар.

Яңы белем усағының майҙаны 18 мең квадрат метр буласаҡ. Әйтеүҙәренсә, ул спорт майҙансыҡтарының күплеге менән дә айырылып торасаҡ икән. Ике волейбол, бер баскетбол һәм тағы ла йүгереү юлы булған дөйөм спорт залы буласаҡ.

Был мәктәп 1 мең 225 уҡыусыға иҫәпләнә. Нефтекамалар яңы, заманса белем усағының асылырын түҙемһеҙләнеп көтөр инде.

Фото: Госстрой РБ