Төркиә Президенты менән һөйләшеү

Төркиә етәксеһе Эрдоғандың тәҡдиме менән ике президент телефондан һөйләшкән.

Путин һәм Эрдоған Кавказ аръяғы илдәрендә килеп сыҡҡан киҫкен хәлде тыныс, һөйләшеүҙәр алып барыу юлы менән хәл итергә кәрәк, тип билдәләй.

Шулай уҡ телефон аша аралашҡанда Рәсәй һәм Төркиәнең коронавирусҡа ҡаршы көрәштә хеҙмәттәшлек итеүенә лә һәйбәт баһа бирелгән. Атап әйткәндә, 1 августан ҡайһы бер ҡалаларға һауа юлдары асыласаҡ.

Владимир Путин Рәжәп Тайип Эрдоғанды етеп килгән Ҡорбан байрамы менән ҡотлаған.

Автор: Эльвира Әсәҙуллина