Юлдар төҙөкләнә

Оҙонлоғо 7,5 километрға һуҙылған Иглин-Сыбаҡай-Кәлтә юлы «Хәүефһеҙ һәм сифатлы автомобиль юлдары» милли проекты сиктәрендә төҙөкләндерелә.

Проекттың дөйөм хаҡы - 220 миллион һумдан ашыу. Юл эштәрен республика юл хужалығы идаралығы заказы буйынса «Башкиравтодор» акционерҙар йәмғиәте башҡара. 2019 йылда ҡул ҡуйылған контрактҡа ярашлы эштәр 2021 йылда тамамланырға тейеш. Әлеге ваҡытта юлға беренсе ҡат асфальт йәйелә.

Ә. Вәлиуллин фотоһы.