Владимир Путин Медведевты орден менән бүләкләне

Рәсәйҙең Хәүефһеҙлек советы рәйесе урынбаҫары Дмитрий Медведевҡа 55 йәш тулды. Ошо уңайҙан Рәсәй Президенты Владимир Путин уны "Ватан алдында күрһәткән хеҙмәттәре өсөн" ордены менән бүләкләне.

Тейешле ҡарар рәсми хоҡуҡи мәғлүмәт интернет-порталында 17 сентябрҙә баҫылған. Дмитрий Медведев әлеге орден менән дәүләт алдындағы хеҙмәттәре һәм күп йыллыҡ фиҙаҡәр эше өсөн наградланған. Әйткәндәй, "Ватан алдында күрһәткән хеҙмәттәре өсөн" ордены юғары дәүләт наградаларының береһе булып тора.

Автор: Гөлназ Шәйхетдинова