Теләгәндәр эшле булыр

Нуриман районының Халыҡты эш менән тәьмин итеү хеҙмәте үҙәге дәүләт учреждениеһы 52 эшһеҙ иҫәпләнгән кешеләргә бушлай курстар ойошторҙо.Теләгәндәр иретеп йәбештереүсе, ашнаҡсы, кадрҙар эше һәм персонал менән идара итеү белгесе, хисапсы, парикмахер, кондитер, визажист, маникюр оҫтаһы кеүек кәрәкле һөнәрҙәрҙе үҙләштерҙе. Эш табырға тип тырышып торған буласаҡ белгестәргә уҡыу осоронда стипендия ла түләнгән. Бынан тыш үҙәктә 22 кеше ашнаҡсы һөнәрен үҙләштерһә, ә ҡаҙанлыҡ операторҙары үҙенең квалификацияһын күтәргән.Тырыштарға бәхет йылмайып, төрлө өлкә белгестәре үҙҙәренең кәрәклеген тормошта ла иҫбатлар әле.