Ғәҙәттән тыш хәлдәр министрлығы аномаль эҫе һауа торошо хаҡында иҫкәртә

Башҡортостан буйынса Ғәҙәттән тыш хәлдәр министрлығы республикала йәшәүселәрҙе аномаль эҫе һауа торошо хаҡында иҫкәртә. Гидрометеорология һәм тирә-яҡ мөхитте күҙәтеү идаралығы фаразы буйынса, 18-22 апрелдә төбәктә урыны менән һауа температураһы норманан 7-12 градусҡа юғарыраҡ булған аномаль эҫе һауа торошо көтөлә.

«Башинформ» алдағы өс көндә Башҡортостанда ямғыр яуыуы һәм йылы булыуы хаҡында хәбәр иткәйне. Һауа температураһы көндөҙ +20,+23 градусҡаса күтәрелә.