Иң яҡшы урман хужалығы хеҙмәткәрҙәре бүләкләнде

Өфөлә үткән Урман хужалығы министрлығы коллегияһы ултырышында Башҡортостан Республикаһының иң яҡшы урман хужалығы хеҙмәткәрҙәре бүләкләнде.
Улар араһында Нуриман районының уңғандары ла бар ине. Федераль урман хужалығы агентлығының почет ҡағыҙҙары райондың Исай һәм Әтнәш участка урмансылығының өлкән урман мастерҙары Әхәт Хәйруллинға һәм Рәфит Әсләмовҡа тапшырылды. Уларҙың эшендәге ҡаҙаныштары һәм күп йыллыҡ намыҫлы хеҙмәте етәкселәр яғынан юғары баһаланды.
Мәғлүмәт “Красный ключ.НурИман” гәзитенән алынды.