Ауыр йәрәхәт алған пациенттың ғүмере ҡотҡарылды

Благовещен үҙәк район дауаханаһының ҡабул итеү бүлегенә күкрәк ситлегенә ауыр йәрәхәт алған пациент килтерелә. Хәлдең ҡатмарлылығын һәм ваҡыттың мөһимлеген аңлап, табиптар ашығыс рәүештә пациентты операция бүлмәһенә күсерәләр.

Операция барышында хирургтар үпкә паренхимаһының (үпкә туҡымаһының) етди зарарланыуын асыҡлай. Бындай йәрәхәт кеше ғүмере өсөн ҙур хәүеф тыуҙыра: ул пневмоторакс (плевра ҡыуышлығына һауа эләгеүе), гемоторакс (ҡан йыйылыуы) йәки үпкәлә эске ҡан ағыуҙың дауам итеүенә килтереүе ихтимал.

Хәлдең етдилеген иҫәпкә алып, өҫтәмә зыян күреүҙе булдырмау өсөн консультацияға И.И. Ғ.Ғ. Ҡыуатова саҡырыла. Тәжрибәле белгестәрҙең берлектәге ҡарары менән пациентҡа тәрәнерәк хирургик интервенция яһарға кәрәк тигән һығымтаға киленә.

Операция барышында хирургтар үпкәләге дефектты тегәләр, плевра ҡыуышлығын санациялайҙар һәм шыйыҡсаны ситкә сығарыу өсөн махсус дренаж ҡуялар. Табиптарҙың аныҡ һәм берҙәм эшмәкәрлеге һөҙөмтәһендә операция уңышлы тамамлана, пациенттың ғүмеренә янаған хәүефле эҙемтәләр бөтөрөлә.

Хәҙерге ваҡытта пациент дауахананан сығарылған һәм өй шарттарында һауығыуын дауам итә. Был осраҡ Благовещен үҙәк район дауаханаһы табиптарының юғары квалификацияһын һәм иң ҡатмарлы хәлдәрҙә лә кеше ғүмерен һаҡлап ҡалыу өсөн көрәшергә әҙер булыуҙарын тағы бер тапҡыр иҫбатлай.