Башҡортостанда күп балалы ғаиләләр үҙҙәренең вариҫтарының киләсәге өсөн тауыш бирә

Ләйсән һәм Сергей Кислициндар өс ул тәрбиәләй. Бөгөн улар 1485-се һайлау участкаһына үҙҙәренең һайлауын яһарға килде.

- Ғаиләбеҙ өсөн һәр һайлау-байрам. Балаларҙы һайлауҙар ҡала, район, республика өсөн генә түгел, ғаилә өсөн дә мөһим тип бала саҡтан уҡ өйрәтәбеҙ. Бөгөн вариҫтарыбыҙҙың яҡты киләсәге өсөн тауыш бирҙек, - ти Ләйсән Радик Ҡыҙы.

Ғаилә башлығы һүҙҙәренсә, бөтә ғаилә менән тауыш биреү - берҙәмлек һәм теләктәшлек күрһәтеү.

-Һайлау участкаһына бергә килгәс, беҙ бергәләп яуаплы ҡарарҙар ҡабул итергә әҙер булыуыбыҙҙы күрһәтәбеҙ , - тине Сергей Валерьевич.

1485-се һайлау участкаһы «Панорама»гәзите редакцияһы бинаһында урынлашҡан. Һайлау комиссияһы рәйесе Светлана Волкова һүҙҙәренсә, өс көн дауамында һайлауҙар тыныс үтә, граждандар һайлау участкаһына әүҙем килә.

- Бөгөн ял көнө, шуға күрә кешеләр ғаиләләре, балалары менән килә, уларға нисек тауыш бирергә кәрәклеген күрһәтә, - тип һөйләне Светлана Валерьевна.