Бер быуатлыҡ юбилей

Ильино-Поляна ауылында йәшәүсе Матрена Савичева үҙенең 100 йәшен билдәләне.

- Тыуған көнөмдө ике тапҡыр билдәләйем: 20 ноябрҙә һәм 3 ғинуарҙа. Мин 1924 йылдың көҙөндә бик бәләкәй һәм көсһөҙ ҡыҙ булып тыуғанмын. Барыһы ла тере ҡалмаясаҡмын тип уйлай, шуға күрә яҙып та тормайҙар, - тип хәтирәләре менән уртаҡлаша Матрена Петровна.

Матрена Петровна бөтә ғүмерен тыуған ерендә үткәрә. Бөйөк Ватан һуғышының тәүге көндәренән ул колхозда эшләй, ир-егеттәр менән бер рәттән ауыр эштәр башҡара.

- 45 йылдан ашыу ул беҙҙең ауылда эшләне, бының өсөн күп һанлы грамоталар һәм рәхмәт хаттары менән бүләкләнде. Дәүләт уға «Хеҙмәт ветераны» һәм «Тыл хеҙмәтсәне» исемдәрен бирҙе, - тип билдәләне Ильино-Поляна ауыл советы хакимиәте башлығы Сергей Рыхтеров. - Шундай ҡатмарлы тормош юлын үткән һәм оло йәшкә еткән кешеләр тәрән ихтирамға һәм һоҡланыуға лайыҡ. Был иҫ киткес ҡыйыу һәм сыҙамлы кешеләр быуыны!