Имен-һау йәшәгеҙ!

Яңы йыл алдынан һәр кеше, оломо ул, кесеме, барыһы ла мөғжизә көтә. Өфө районында йәшәгән һигеҙ етем бала һәм һаулығы яғынан мөмкинлектәре сикләнгән балалы ғаилә «Новобулгаково» торлаҡ комплексында төҙөлгән йорттан фатир асҡыстары алып ҡыуанды. Өфө районы хакимиәте башлығы Николай Ельников өй туйлаусыларҙы уларҙың тормоштарында булған шатлыҡлы ваҡиға менән ҡотланы.
-Фатир алыу һәр кешенең ғүмерендә онотолмаҫлыҡ ваҡиға,- тип билдәләне Николай Павлович. -Һеҙ бөгөн уңайлы торлаҡ алдығыҙ. Яңы фатирҙарҙа яҡындарығыҙ менән бәхетле булыуығыҙҙы теләйем. Яҡты, матур фатирҙарҙа именлек булып, шатлыҡ хөкөм һөрһөн!