Шишмә аға селтер-селтер

Тантанала Иглин районы хакимиәте башлығы Гүзәл Насырова, Рус география йәмғиәтенең урындағы бүлексәһе рәйесе Шамил Ғабдуллин, ауыл биләмәһе башлығы Сергей Косматков, район Советы депутаты, «Ҡаҙаяҡ карьеры» яуаплылығы сикләнгән йәмғиәте етәксеһе Рәфил Әхтәмйәнов һәм урындағы халыҡ ҡатнашты.

2024 йылда шишмәләрҙе төҙөкләндереү буйынса «Рус география йәмғиәтенең шишмәләре» федераль тәбиғәтте һаҡлау проекты конкурсы, шулай уҡ онлайн-тауыш биреү йомғаҡтары буйынса Баҡай шишмәһе республиканың иң яҡшы өс шишмәһе иҫәбенә инде.

Шишмәне төҙөкләндереүгә Рус география йәмғиәтенең Башҡортостан төбәк бүлексәһе фондынан 100 мең, район бюджетынан 300 мең һумдан ашыу аҡса бүленгән.