Благовещенда бәлиғ булмаған водителдең ата-әсәһенә 30 мең һум штраф һалынды

#НеРулиМалой социаль кампанияһы сиктәрендә ЮХХДИ-ның благовещен бүлексәһе бәлиғ булмаған водителдәрҙе юл хәрәкәтенән сығарыу буйынса әүҙем саралар күрә. Сираттағы шундай хәл 26 июлдә теркәлә. Юл-патруль хеҙмәте наряды Седов урамында бәлиғ булмаған мотоцикл водителен ҡулға ала.

Транспорт сараһы махсус туҡталҡаға урынлаштырыла. Ҡағиҙә боҙоусының ата-әсәһенә ҡарата РФ административ хоҡуҡ боҙоу кодексының 12.7-се статьяһының 3-сө өлөшө буйынса административ хоҡуҡ боҙоу тураһында протокол төҙөлә (идара итеү хоҡуғын транспорт сараһы менән идара итеү хоҡуғы булмаған кешегә тапшырыу). Ата-әсәгә 30 000 һум штраф һалынған. Был хаҡта ЮХХДИ-ның рәсми ТГ-каналында хәбәр ителә.