Благовещенда ғаилә низағы: полиция тикшереүе һөҙөмтәләре

Ҡатындың һүҙҙәренсә, көндөҙ ул иҫерек килеш тормош иптәше менән талашып киткән. Улар араһындағы дошманлыҡ мөнәсәбәттәре оҙаҡ ваҡыт дауам иткән, ә был юлы конфликт ҡул күтәреүгә тиклем барып еткән. Зыян күреүсе ирҙең уның йөҙөнә һәм ҡулына бер нисә тапҡыр һуҡҡанын, шулай уҡ кухнялағы тәҙрәне алып, шәхси әйберҙәрен алырға маташыуын белдерә. Үҙенең именлеге өсөн ҡурҡып, ҡатын полицияға мөрәжәғәт итергә мәжбүр була. Урынға килгән полиция хеҙмәткәрҙәре ир-аттан һорау ала. Ул конфликт мәлендә тормош иптәше менән өйҙә булыуын раҫлай, әммә хәлде икенсе яҡтан һүрәтләй. Ирҙең әйтеүенсә, ул ата-әсәһе янына китергә ҡарар иткән, әммә ҡатыны менән һүҙгә килешеп киткән. Ир-ат бер кемгә лә тән йәрәхәттәре килтермәүен, ә тәҙрәне тик шәхси әйберҙәрен алыр өсөн генә алып ташлауын белдерә. Полиция хеҙмәткәрҙәре хәлде ентекле тикшерә. Тикшереү барышында РФ Административ хоҡуҡ боҙоуҙар кодексының 6.1.1 (тән йәрәхәттәре килтереү) һәм 2.1 статьяларында ҡаралған хоҡуҡ боҙоу билдәләре асыҡланмай.

Хоҡуҡ һаҡлау органдары белдереүенсә, ҡатындың һүҙҙәрен раҫларлыҡ йәки ир-аттың ғәйебен иҫбатларлыҡ етерлек дәлилдәр булмауы сәбәпле, был осраҡ буйынса административ эш ҡуҙғатыуҙан баш тартыу тураһында ҡарар ҡабул ителә.

Полиция хеҙмәткәрҙәре ғаиләләге низағтарҙы тыныс юл менән хәл итергә һәм спиртлы эсемлектәр ҡулланыуҙан тыйылырға саҡыра.