«Өлгөлө» исемен раҫланылар

Иглин районы мәҙәниәт йортоноң «Максимум» театр коллективы ошо көндәрҙә «өлгөлө» исемен раҫланы. Балалар театр коллективтарын ҡарау Өфө балалар филармонияһында уҙҙы. Сара «Ҡыңғырауҙар сыңы» республика балалар театр- фестивале сиктәрендә ойошторолдо.
«Максимум»дың өлкән төркөмө жюри ағзаларына Константин Сергеенконың «Овраг» постановкаһын тәҡдим итте.
Жюри йәш актерҙарҙың режиссерлыҡ кимәлен, актерлыҡ оҫталығын, шулай уҡ драматик материалдың дөрөс һайланышын юғары баһаланы.