РФ Президенты Владимир Путин ауыл ерендә йәшәүсе һәм эшләүсе ҡатын- ҡыҙҙар өсөн эш көнөн кәметеү тураһында законға ҡул ҡуйҙы.

Ауылдағы гүзәл за вәкилдәренең эш ваҡыты аҙнаһына 36 сәғәттән артмаҫҡа тейеш. Ябай эш көнө аҙнаһына 40 сәғәт. Эш хаҡы тулы аҙна өсөн түләнәсәкме?

Ил башлығы Владимир Путин ауыл ерендә эшләгән ҡатын-ҡыҙҙар өсөн ҡыҫҡартылған эш көнө тураһында законға ҡул ҡуйҙы. Документтың тексы шишәмбе рәсми хоҡуҡи мәғлүмәт интернет-порталында баҫылып сыҡты.

Ауыл ерендә йәшәгән һәм эшләгән ҡатын-ҡыҙҙар өсөн эш көнө аҙнаһына 36 сәғәттән артырға тейеш түгел, эш хаҡы ла һаҡланып ҡалырға тейеш.

Документ шулай уҡ, әгәр хеҙмәт шарттары буйынса эш көнө өлөштәргә бүленгән булһа, ауыл ерендәге ҡатын-ҡыҙҙарҙың арттырылған түләүгә хоҡуғын гарантиялай.

ТАСС хәбәр итеүенсә, был льгота әлегә тиклем РСФСР Юғары Советының 1990 йылғы ҡарары менән регламентланған. Дәүләт Думаһы законды ҡабул иткәнсе, ауыл ҡатын-ҡыҙҙарының ҡыҫҡартылған эш көнөнә хоҡуғы федераль закон менән нығытылмағайны.

Читайте нас: