Республика етәксеһе 10 апрелгә ҙур ҡалаларҙы тәртипкә килтерергә ҡушты

10 апрелгә ҡалалар тәртипкә килтерергә кәрәк, тип, ҡала мэрҙарына бурыс йөкмәтте Башҡортостан Башлығы хөкүмәттең оператив кәңәшмәһендә.

Ғәҙәттә был ваҡыт 1 майға тиклем тип билдәләнә ине, ләкин быйыл ҡар иртә ирей башланы, ҡалалар ҡыштан һуң ҡалған бысраҡ һәм сүп-сар менән тулған, тип билдәләне Радий Хәбиров. Контроль идаралығына 10 апрелдә эштең барышы, ҡалаларҙа таҙалыҡты тикшереү йомғаҡтары тураһында мәғлүмәт еткерергә ҡушылды.

«Таҙалыҡ тураһында беренсе йыл ғына һүҙ алып бармайым. Сүп-сарҙы йыйыу, үләндәрҙе сабыу, соҡорҙарҙы ямау һәм башҡалар. Бәлки, был эш күренеп бармайҙыр, ләкин ул башҡарылырға тейеш», — тине республика етәксеһе.