Республикала 32 градус эҫе булыуы фаразлана

Синоптиктар фаразы буйынса, Башҡортостанға эҫе көндәр әйләнеп ҡайта.

Шаршамбы, 26 июлдә, республиканың ҡайһы бер райондарында йәшенле ямғырҙар яуа. Ел көньяҡ-көнбайыштан, көнбайыштан, көндөҙ талғын. Һауа температураһы төндә +12, +17°, таулы райондарҙа +7°, көндөҙ +24, +29°.

Кесе йома, 27 июлдә, йәнә ҡыҫҡа ваҡытлы ямғыр, йәшен фаразлана. Ел көньяҡ-көнбайыштан, көнбайыштан, көндөҙ талғын, айырым райондарҙа көсәйеүсән. Һауа температураһы төндә +12, +17°, таулы райондарҙа +7°, көндөҙ +27, +32°.

Башҡортостан был аҙнала йәнә йылы көньяҡ һауа массаһы йоғонтоһонда ҡала, тип хәбәр иткәйнеләр Башинформға Башгидрометтан. Ләкин июлдең икенсе ун көнлөгөндәге кеүек иң эҫе һауа торошо көтөлмәй.