Уҡыусылар хәрбиҙәр менән осрашты

Благовещен мәктәптәрендә балаларҙың хәрби хәрәкәттәр ветерандары менән осрашыуҙары даими үткәрелә. Был быуындар һөйләшеүе генә түгел, ә тарихты мөһим ваҡиғаларҙа ҡатнашҡан кешеләрҙең ауыҙынан белеү мөмкинлеге лә булып тора.
Махсус хәрби операциянан ҡыҫҡа ваҡытлы отпускҡа ҡайтҡан Башҡортостан яугирҙәре мәктәп уҡыусылары менән осраша. А.Першин исемендәге 4-се мәктәп уҡыусылары ла хәрбиҙәр менән һөйләшә алды. Уҡыусылар яугирҙәр өсөн физик әҙерлек мөһимме, юҡмы тип ҡыҙыҡһынды. Хәрби хеҙмәткәрҙәр уның бик кәрәклеген һыҙыҡ өҫтөнә алды. Шулай уҡ улар алғы һыҙыҡта ир-егеттәр менән бер рәттән яралыларҙы ҡотҡарырға ярҙам иткән ҡыҙҙар ҙа барлығын, уларҙы ут һыҙығынан алып сығып китеүҙәрен һөйләне.
Балалар йыш ҡына һалдаттарға фронтҡа хаттар яҙа. Был хаттарҙы яугирҙәр алып уҡыймы, юҡмы икәнлеге балаларға бик ҡыҙыҡлы ине.
"Беҙ һәр хатҡа шатланабыҙ, уларҙы һаҡлайбыҙ", - ти улар. Һеҙ нисек уҡыуығыҙҙы, көндәрегеҙҙе нисек үтеүегеҙҙе яҙаһығыҙ, ә беҙ үҙебеҙҙе һеҙҙең эргәлә итеп тоябыҙ һәм күҙ алдына килтерербеҙ.
5-се класс уҡыусыһы хәрби хеҙмәткәрҙәрҙең буш ваҡытын нисек үткәреүҙәре менән ҡыҙыҡһынды. Яугирҙәр мөмкинселек булғанда йоҡларға тырышыуҙарын һәм, әлбиттә, хәрби ҡоралдарҙы тәртипкә килтереүҙәрен һөйләне.
“Беҙ туғандаш халыҡ менән һуғышмайбыҙ, фашизмға ҡаршы һуғышабыҙ. Бәхетле бала саҡ булһын өсөн һуғышабыҙ», - тине яугирҙәр осрашыу аҙағында.
Уҡыусылар хәрби хеҙмәткәрҙәргә музыкаль бүләк тә тәҡдим итте. Быуындар осрашыуы иҫтәлекле һәм ҡыҙыҡлы үтте.