Благовещен крәҫтиән - фермер хужалығы башлығы 2871 мең һум грант алыу бәхетенә иреште

Благовещен крәҫтиән - фермер хужалығы башлығы Дамир Әхмәров ауыл хужалығы проектын тормошҡа ашырып, "Агростартап" региональ конкурста ҡатнашып,2871 мең һум грант алыу бәхетенә иреште.

Оло тырышлыҡ менән еңеп алған был аҡса фермер тарафынан малсылыҡ йүнәлешен үҫтереүгә йүнәлтеләсәк.Күптән түгел МТЗ - 82 менән погрузчик һатып алған егәрле фермер артабан да мал аҙығы әҙерләү өсөн етерлек кимәлдә техника һатып алыуға ниәтләй.Үҙенең крәҫтиән - фермер хужалығын ныҡлап аяҡҡа баҫтырыуға күп көс түккән Дамир Әхмәров артабан да республика программаларында ҡатнашырға уйлай.