Полиция хеҙмәткәрҙәре көнөнә

Рәсәй Эске эштәр министрлығының Нуриман бүлеге полиция хеҙмәткәрҙәре өсөн тантаналы байрам сараһы үтте.

Полиция көнөн билдәләү өсөн хоҡуҡ һаҡлау хеҙмәте ветерандары, райондың администрация һәм прокуратура вәкилдәре лә саҡырылғайны.

Администрация башлығы урынбаҫары В.Ситдиҡов, прокурор вазифаһын ваҡытлыса башҡарыусы К.Алексеев, эске эштәр бүлеге етәксеһе А.Кулешов полиция хеҙмәткәрҙәрен һөнәри байрамдары менән ҡотланы.

Ултырыш алдынғы хеҙмәткәрҙәрҙе бүләкләү һәм байрам концерты менән тамамланды.