Иҫтәлеккә сувенир

Илебеҙҙең башҡа төбәктәренә барғанда, йәки сәйәхәттә булғанда беҙ иҫтәлек өсөн сувенирҙар һатып алырға ғәҙәтләнгәнбеҙ

Ошо көндәрҙә Өфөнөң ВДНХ – ЭКСПО комплексында Волга буйы халыҡтарының кәсептәренә арналған фестиваль бара.

Нуриман оҫталары быйыл фестиваль ҡунаҡтарына кейеҙҙән эшләнгән биҙәүестәр, уйынсыҡтар, ағасҡа көйҙөрөү ысулы менән яһалған һүрәттәр, портреттар ( пирография), лазер ярҙамында эшләнгән биҙәкле ҡумталар, һауыт – һаба өлгөләре һәм төрлө сувенирҙар тәҡдим итә. Сара барышында райондың “Хазина” татар халыҡ йырҙары ансамбле лә ҡатнаша ( етәксеһе – Гүзәлиә Заһертдинова ).

Иҫтәлеккә сувенир алырға теләһәгеҙ, килегеҙ, һөнәр оҫталары һеҙҙе көтә!

Читайте нас: