Алда беҙҙе һигеҙ көн ял көтә

Рәсәйҙең Хеҙмәт кодексына ярашлы, 1, 2, 3, 4, 5, 6 һәм 8 ғинуар – яңы йыл каникулдары, 7 ғинуар – Христос Раштыуаһы – байрам көндәре булып тора, тип иҫкә төшөрә республиканың Хеҙмәт министрлығы.

Киләһе йылда 4 һәм 5 ғинуарҙағы байрам көндәре шәмбегә һәм йәкшәмбегә тура килә. Шуға күрә 4 ғинуарҙағы ял көнө – 4 майға, 5 ғинуарҙағыһы 5 майға күсерелә.

Быйылғы йылдың һуңғы көнөндә эш ваҡыты бер сәғәткә ҡыҫҡартыла.

Шулай итеп, биш һәм алты көнлөк эш аҙналарында 2020 йылдың 1, 2, 3, 4, 5, 6, 7 һәм 8 ғинуары ял һәм байрам көндәре булып тора.

Йыллыҡ төп йәки өҫтәмә түләүле отпуск биргәндә 1, 2, 3, 4, 5, 6, 7 һәм 8 ғинуарҙағы байрам көндәре отпусктың календарь көндәре иҫәбенә индерелмәй.