Ғаиләгә дәүләт ярҙамы

Благовещен районының Туғай ауылында йәшәгән Юрий һәм Регина Михайловтар өсөн уҙып барған йыл аҙағы оло шатлыҡ алып килде.

"Ауыл биләмәләренең тотороҡло үҫеше" федераль маҡсатлы программаһында ҡатнашҡан ғаиләгә 1,8 млн.һумлыҡ аҡсалата сертификат тапшырылды. Ауылда төпләнеп, унда матур тормош юлын башлаған йәштәр ҡыуанысын йәшермәй.Улар төҙөлә башлаған йортон тамамлап, сафҡа индерәсәк.

Йыл башынан бындай сертификатты биш ғаилә алды.