Тағы бер күп функциялы ауыл клубы ишектәрен асты

Охлебинин ауылы күп функциялы клубын асыу урындағы башланғыстарҙы яҡлау программаһы сиктәрендә мөмкин булды. Мәҙәниәт усағы бинаһына яҡшы ремонт үткәрелде.

Бөгөн клуб учреждениеһы йыһазландырылған спорт залы, хореография класы, балалар өсөн төҙөкләндерелгән уйын бүлмәһе, китапханаһы, һирәк экспонаттарға бай музейы булған заманса матур мәҙәни үҙәккә әүерелде. Мәҙәниәт йортонда үҙешмәкәр сәнғәт түңәрәктәре һәм ҡыҙыҡһыныуҙар буйынса клубтар эшләй.

Бында балалар ҙа, өлкәндәр ҙә үҙҙәрен ҡыҙыҡһындырған шөғөл таба ала.