Шишмәнән призлы урын менән

Благовещен ҡалаһындағы балалар ижады үҙәгенең "Каратэ - Киокусинкай" берләшмәһе тренеры Роберт Заманов үҙенең тәрбиәләнеүселәре менән етди шөғөлләнә.

Күптән түгел улар Шишмә ҡасабаһында үткән 11- 17 йәшлек ҡыҙҙар һәм малайҙар араһында Киокусинкай буйынса Башҡортостан Республикаһы Чемпионаты беренселегендә ҡатнашты. Улар яулаған алты призлы урын тренерҙың да, тырыш, сәмсел тәрбиәләнеүселәрҙең дә һөҙөмтәле хеҙмәт емеше.