Буласаҡ һайлаусылар осрашты

Благовещен ҡалаһындағы М.Киняшов исемендәге 6 - сы мәктәптең 2 - се класс уҡыусылары өсөн "Беҙ - Рәсәй граждандары" тигән темаға дәрес үтте.

Благовещен районы хакимиәтенең территориаль һайлау комиссияһы рәйесе Татьяна Романенкова ҡатнашҡан был дәрестә уҡыусылар төрлө кимәлдә үткәрелгән һайлауҙар тарихына ҡағылған һорауҙарға дөрөҫ яуап алды. Улар был мөһим ваҡиға тураһында күп мәғлүмәт белде. Район, республика, ил киләсәгенә бәйле уҙған һайлауҙа тауыш йыйып, еңгән депутаттар тарафынан һайлаусыларының наказдарын мотлаҡ үтәү мөһимлеген дә аңланы.

Тап сентябрь айының икенсе йәкшәмбеһендә ил кимәлендә уҙған "Берҙәм тауыш биреү көнө" тураһында ла Татьяна Владимировна уларға тулыһынса аңлатып үтте. Уҡыусылар өсөн бик ҡыҙыҡлы дәрестән һуң улар иҫтәлеккә фотоға ла төштө.