Волков ауылында - туҡталыш павильоны

Өфө районының Волков ауылында ауыл биләмәһе хакимиәте әүҙем депутат Эдуард Ғәбсәләмов менән берлектә туҡталыш павильонын эшләтеп, уны тәғәйен урынына урынлаштырыуҙы ойошторҙо.

Был бик кәрәкле инициативаны күтәреп алған ауылдаштар ҙа, ярҙамға теләп ҡушылды. Ауыл хакимиәте һәм депутаттың аҡсаһына барса эштәр ваҡытында башҡарылды. Ауылдың иң уңған, оҫта ҡуллы ир - егеттәре - Алексей Ғәбсәләмов, Ринат Гәрәев, Валерий Гәрәев, Рәмил Зарипов техника, иретеп йәбештереү, монтажлау эштәрендә ныҡлы ярҙам күрһәтте.

"Күмәкләгән - яу ҡайтарған" тигәндәй, кәңәшләшеп эшләгән эштәр һәр саҡ һөҙөмтәле була.

Мәғлүмәт "Өфө үҙәндәре" гәзите сайтынан алынды.