Көтмәгән ҡайғылар килмәһен

Благовещен районының Иҫке Надеждин ауылы хакимиәтенә ҡараған ауылдарҙа янғынға ҡаршы профилактик эштәр ойошторолдо.

Махсус булдырылған комиссия ағзалары өйҙән - өйгә йөрөп, ауыл халҡы, айырыуса күп балалы ғаиләләр, инвалидтар, оло йәштәгеләр менән һөйләште, янғындан һаҡ булыу сараларын аңлатты, иҫкәртеү ҡағиҙәләренән, хәүефһеҙлек сараларынан торған листовкалар ҙа таратты.

"Һаҡланғанды Хоҙай һаҡлар" тигәндәй, барыбыҙға ла ҡайғы - хәсрәт күрмәй йәшәргә насип итһен.

Мәғлүмәт Благовещен районының Иҫке Надеждин ауыл хакимиәте төркөмөнән алынды.