Благовещен районынан контрактсы хеҙмәттәшен үҙе менән ҡаплаған

Константин Кирәев Салауат Юлаев исемендәге батальон составында хеҙмәт итә.
- Костя вахтанан ҡайтҡас, беҙ уның ҡустыһы контракт төҙөгәнен һәм махсус хәрби операцияға киткәнен хәбәр иттек, ул шунда уҡ хәрби комиссариатҡа юлланды. РФ Оборона министрлығы менән контракт төҙөнө һәм ҡустыһы артынан китте, - тип хәтерләй әсәһе Елена Петровна.
Март башында Константин әсәһенә шылтырата. Ҡыҫҡа ғына ваҡытта телефондан һөйләшкәндә ул тиҙҙән өйгә ҡайтасағын хәбәр итте. Бер нисә көн үткәс, әсә кешегә улының үлеме тураһында хәбәр итәләр. Был 8 март көнө була. Һуңынан Елена Петровнаға тигеҙ булмаған алышта Костяның Иван исемле хеҙмәттәшен үҙе менән ҡаплауы тураһында һөйләйҙәр. Ваня иҫән ҡалған, хәҙер госпиталдә дауалана.
Елена Попова сығышы менән Өфө районынан. Ҡатын 20 йылдан ашыу һауынсы булып эшләй. Улдары уның төп ярҙамсылары була. Костя әсәһенә ярҙам итеү өсөн фермаға барһа, Сережа өй эштәрен башҡара. Мәктәптә улар үҙҙәрен әүҙем, инициативалы, ярҙамсыл уҡыусылар итеп күрһәтә. Улар спорт, хәрби-патриотик сараларҙа ҡатнашырға ынтыла. Ағалы-ҡустылы Кирәевтарҙың дуҫтары һәм таныштары күп булыуы осраҡлы түгел, улар менән яҡшы мөнәсәбәттәре лә һәр ваҡыт һаҡлана.
Константин бер ҡасан да йомшаҡ холоҡло булмай, уның бөтә эше ғәҙел була, ул һәр ваҡыт үҙ һүҙендә тора. Ярҙамға мохтаж булған һәр кемде яҡларға әҙер була.
- Костя һәр ваҡыт компанияның йәне, шаян, һәр төрлө мажараға әҙер кеше ине. Бынан тыш, ул балаларҙы ла артыҡ яратты. Ҡыҙғанысҡа ҡаршы, үҙе ғаилә ҡорорға өлгөрмәй ҡалды. Шуға күрә бөтә иғтибарын ҡустыһының балаларына йүнәлтте, - тип һөйләй Елена Петровна. - Уға ауыл балалары ла тартылды. Ә бөтөнләй ят балалар өсөн күпме велосипед һатып алды ул...
15 йыл элек Кирәевтарҙың оло йәштәге өләсәһенә һаулығы менән бәйле проблемалар арҡаһында икенсе районға күсергә тәҡдим итәләр. Әбейҙе ҡараған һәм ике улын бер үҙе тәрбиәләгән Елена Петровна, Благовещен районы Осиповка ауылында йорт һатып ала.
- Бында ла улдарымдың ярҙамын әйтеп бөтөргөһөҙ. Улар ярҙамында бөгөн мин төҙөкләндерелгән йортта йәшәйем. Кесе улым әле лә алғы һыҙыҡта. Әсәй булыу ауыр ҙа, шатлыҡ та. Балаңа насар булғанда, йөрәгең өҙөлә, хатта арабыҙҙа меңәрләгән саҡрым булһа ла, мин уларҙы тоям. Костяның үҙ ғүмерен ҡорбан итеп яуҙашын ҡотҡарыуын белгәс, мин яҡшы кеше тәрбиәләүем тураһында инандым, - ти әсә. - Малайҙарымды ысын ир итеп тәрбәләнем. Сережа махсус операцияның аҙағына тиклем барырға ниәтләй. Рәсәйебеҙ һәм Ватаныбыҙ хәүеф аҫтында, бер ниндәй ҙә аҡлауҙар юҡ. Еңеү беҙҙең ҡулда буласаҡ, сөнки нацизмды бөтөрөргә һәм рәсәй халҡына ҡарата геноцидты туҡтатырға тейешбеҙ, ти.
Елена Петровна улын юғалтыуҙан йөрәк ауыртыуы бер ҡасан да баҫылмауын һөйләй.
- Бөтә яугирҙар ҙа иҫән-һау һәм зыян күрмәй ҡайтһын тип көн дә доға ҡылам, - ти ҡатын.